Toro Edidem, Ͻbͻŋ Nnyin K’enyͻŋ

1. Toro edidem, Ͻbͻŋ nnyin k’enyͻŋ,
kwͻ ima ye odudu esie k’isͻŋ.
Otu ekͻŋ nnyin y’andinyana owo,
Okpon k’uyai onyuŋ odot itoro.

2. Kwͻ mfͻn esie, k’ͻkpͻsͻŋ uyo,
Emi akarad’ ofuri ekondo,
Onyuŋ asanade k’ekim ye k’edim,
Aduate k’obuma, ofiori k’ofim.

3. Isͻŋ ye ofuri inyene esie,
Enyene Ͻbͻŋ, enye ‘kobot mmͻ;
Onim ererimbot ke nsinsi itiat,
Anie edikeme enye ndibiat?

4. Anie ekeme ndibuk mfͻn Fo?
Kpukpru nti ŋkpͻ ewut ima Fo?
Obot ye una isͻŋ, ofim ye edim,
Inyaŋ ye mbara, unwana y’ekim.

5. Obu ye ntan, kpukpru nnyin idi.
Ibuͻt idem y’Afo ofuri-ofuri,
Mbͻm Fo awak, aka ata anyan,
Andibot, andinyana, y’ata ufan.

6. Nsinsi ima ! akwa odudu!
Mme angel k’etoro Fi ye uku;
Nnyin mme owo k’isͻŋ ye ofuri esit nnyin,
Ibuana ye mmͻ ke ata akpanikͻ.